لا تقرأ هذه التدوينة من فضلك

بكرا أحلى
بعد بكرا أحلى
بعد بعد بكرا أحلى

ملاحظة بسيطة، بكرا مو أحلى، بكرا متل اليوم تماما إذا مو أفظع…بكرا نفس الحالة المتكررة من الاستيقاظ الباكر، والبحث عن كوب القهوة لمساعدتك في الخروج من حالة السبات الدائم.
بعد القهوة بيجي الحمام الصباحي، بعد الحمام بتفتح الانترنت وبتشوف كيف العالم ماشية بحياتها وأنت واقف ما عم تساوي شي، لا دراسة الك نفس، لا شغل صاححلك ولا جاي عبالك تكتب شي وانت مجهز 25 موضوع..
بتفتح البراد..مابتعرف شو بدك تاكل..بتسكره..
حبتين بنادول.بتمسك سيجارة، دخن ولا لا؟ التدخين مضر بالصحة! عأساس كلشي تاني عم يصير بحياتي في شي صحيّ !
مليت..بتاكل هم حالك، وهم غيرك وهم الناس الي تعبانة وقلبك عندن..طيب كيف؟
لما حدا يقلك كلام ويفوتك باكتئاب الو أول ما لو آخر..والعالم بتقلك فكر بشكل إيجابي..وين الإيجابية؟
فترة انحدار من شهر  شباط لهلق، تخرجت من الكليّة وماحسيت بفرحة، ليش؟ لأنو ما فيك تحس بفرحة أكيد، لحالك، بعيد، وحيد، رفقاتك منتثرين حول العالم أو بغياهب ما حدا بيعرفها غير “الله” وأنت هون قاعد ببلد ماحدا طايقك فيها ولا أنت طايق حدا…
جنسيتك عال عليك وأنت عال عليها..
وتبًا لكل شي.

الإعلانات